Labadzala bebajabulile kubona "indvodzakati" yabo ngelilanga laMandela

By: Fortu

Lilanga laMandela lalomnyaka laphawulwa kucitseka kwekuphana kanye nemoya wemmango, njengobe Somlomo weSishayamtsetfo saseMpumalanga, Make Makhosazane Masilela, avakashele ngalokusuka enhlitiyweni kuMasipala wasekhaya waseThaba Chweu mhla tinge-20 Kholwane 2026. Bfakazi betimphandze takhe letijulile kanye netibopho takhe letibeketelako nemmango.

Lelilanga licale eZanele Old Age Center eMatibidi, lapho Make Masilela, abe na Khansela CM Mohlala kanye nemalunga emkhandlu wesintfu kuniketa lithange lemanti laseJojo lebelidzingeka kakhulu. Khansela Mohlala wabamba lesimo, watsi, “Umoya waMandela ngumoya lochubeka nekupha.” R Mashile wasekhandlwini wesintfu naye wemukele wonkhe umuntfu ngemfutfo.

Umphathi yalesikhungo Evelyn Sedibe waveta kubonga kwakhe lokukhulu watsi: "Ngiyabonga ngekubuya ngisaphila. Ngiyabonga ngekubuya njengobe bengetsembisile. Ngiyabonga kakhulu, Sishayamtsetfo." Wangete watsi lokuvakasha kwamletsela kuthula kanye nekugcwaliseka.

Nksz Masilela, akhuluma nalabadzala lebebabutsene, wakhumbuta bonkhe inchazelo yeliciniso yeLilanga laMandela, lebeligujwa emhlabeni wonkhe ngaKholwane 18. “Etinyangeni letimbalwa letengcile, satsembisa kutsi sitawubuya. Labanye batsi siyatsembisa futsi asiphindze sibuye, kepha akunjalo kitsi. Siyasigcina setsembiso setfu. kudla ngobe siyati kutsi kufanele udle,” kwasho yena. “Mandela wasifundzisa kusebentela bantfu. E Mpumalanga, sikholelwa kuloko Mandela bekakholelwa kuko: sisebentela bantfu.”

Kuvakashela kweSishayamtsetfo kufaka ekhatsi kuniketwa kwetintfo tekudla, kufakwa kwelithange kanye netintfo tekuphepha (lucingo kanye nesango) kanye nelikhekhe lekugubha kutsi bonkhe bantfu babelane ngalo. Lelilanga liphindze futsi labona kuvulwa ngalokusemtsetfweni kweligumbi lelisha lekugcina tintfo eSikhungweni Sebantfu Labadzala sase-Enjabulweni eMashishing, lapho khona Make Masilela emukelwe ngemfutfo njenga “umntfwana lobuyile.”

Wacinisekisa labadzala kutsi noma nje atfunyelwe eBushbuckridge, kutinikela kwakhe kubo kwahlala kungagucuki. "Uma ungangiboni, akusiko kutsi ngikukhohliwe. Ngicela uchubeke usebente nami futsi wabelane ngeticelo takho."

Lemikhosi beyigcwele kuhleka, kudla ngekwabelana kanye nekutjala titfombo engadzeni yalesikhungo, lapho khona Litiko liniketa lusekelo lwekuphepha kwekudla. Umdzala Leah Mnisi wafinyeta imiva yemmango watsi: “Ngitsandza kutsi kundvodzakati yetfu Khosi, tsine njenge bogogo siyabonga kakhulu kuwe nelicembu lakho ngekusivakashela. Siyabonga ngekusikhumbula njengalabadzala. Siyathandaza kutsi konkhe lenikwentako kube yimphumelelo.”

Ngetulu nje kwelilanga lekupha, Lusuku lwaMandela eThaba Chweu lwaveta kubaluleka kwekubuyela ekhaya, kugcina tetsembiso kanye nekusebentela labo labasengotini kakhulu. Make Masilela ntambama ucitse nebantfu labadzala, lokubeka kwacaca kutsi inhlitiyo yakhe ihlala kulabadzala bemmango wakubo.